کراسێ سپێدێ

مللەت محەمەد

شەڤێدی، سپێدە د تاڕیێ دا ژ خەو ڕابوو. ل کراسێ خوە یێ ب ھەتاڤێ نەخشاندی گەریا نەدیت، پاشی ل شالا خوە یا دلوڤانیێ گەریا ئەو ژی نەدیت. دلێ وێ زێدە لێدا و دەستێن وێ لەرزین، پاشی نینوکێن خوە کرنە دناڤبەرا ددانێن خوە دا و چوو ل بن چارچەڤا خوە یا سپی و جارەکا دی نڤست. پشتی ژڤانێ شەڤێ ب دوماھیک ھاتی، گەلەک توڕەبوو و کارێ خوە کر و ژ مال دەرکەڤت. ل بەر دەرگەھی ھەر تشتەک بەری ژڤانێ خوە ھەلاتبوو و چاڤەرێی سپێدێ بوون ژ خەو ڕاببت، ژ دویرڤە ھەتاڤ گەلەک بلەز دھات و ب دەنگەک بلند دگوت: سپێدە گیرو بوو و شەڤ توڕەبوو ... ھەتا گەھشتییە نک مالێ خوھ ب ئەنییا ھەتاڤێ دا دھاتە خوار، ئێکسەر بەرەڤ ژوورا سپێدێ چوو دا وێ ببت ھەلاتنێ، دیت سپێدە یا ل بن چارچەڤا خوە ڤە مری و دلوڤانی دگەل خوە بریە، ھەتاڤ گەلەک خەمگینبوو و دگریا خوە دا ھێدی...ھێدی ڤەمری و بو تاڕی.